លោកឧត្តមសេនីយ៍ទោ សិទ្ធិ ឡោះ ចុះត្រួតពិនិត្យ និងនាំយកអំណោយទៅចែកជូនកងកម្លាំងដែលកំពុងឈរជើងបិតខ្ទប់ព្រំប្រទល់ខេត្ត

 ថ្ងៃទី ០១ ខែសីហា ឆ្នាំ ២០២១

​លោក ឧត្តមសេនីយ៍ទោ សិទ្ធិ ឡោះ ស្នងការ នគរបាល​ខេត្ត​បន្ទាយមានជ័យ លោក ឧត្តមសេនីយ៍ត្រី បោ​ន ប៊ិន មេបញ្ជាការ កងរាជអាវុធហត្ថ​ខេត្ត​បន្ទាយមានជ័យ រួម​សហការី បាន​អញ្ជើញ ចុះ​ត្រួតពិនិត្យ និង​រៀបចំ​សណ្តាប់ធ្នាប់ កងកម្លាំង ដែល​ឈរជើង បិទ​ខ្ទប់ នៅតាម​ព្រំប្រទល់ ក្នុង​ភូមិសាស្ត្រ​ខេត្ត​បន្ទាយមានជ័យ នៅ​រសៀល​ថ្ងៃ​ទី ៣០ ខែ កក្កដា ឆ្នាំ ២០២១​នេះ​។​ ​ទន្ទឹមគ្នានេះ លោក​ឧត្តមសេនីយ៍​ស្នងការ ក៏​បាន​នាំយក​អំណោយ​ដ៏​ថ្លៃថ្លា របស់ ឯកឧត្តម នាយ​ឧត្តមសេនីយ៍ សន្តិ​បណ្ឌិត នេ​ត សាវឿន អគ្គស្នងការ នគរបាលជាតិ រួមមាន គ្រឿងឧបភោគ បរិភោគ អង្ករ ម៉ាស ស្រោមដៃ នំ​បុ័ង ទឹក​សុទ្ធ ទឹកត្រី ទឹក​សុ​ី​អុីវ មី ត្រីខ និង​សម្ភា​រះ​ប្រើប្រាស់ ម៉ាស់ របាំង​មុខ ចែក​ជូន​កងកម្លាំង​បិទ​ខ្ទប់​ផងដែរ​។​ ​ការបិត​ខ្ទប់​ខេត្ត​នេះ​គឺ​អនុវត្តន៍​តាម គោលការណ៍​របស់​ប្រមុខ​រាជរដ្ឋាភិបាល នៃ​ព្រះរាជាណាចក្រ​កម្ពុជា តាម​សេចក្តីសម្រេច លេខ ៨២ សសរ ស្តី​ពី​ការបិទ​ខ្ទប់​ភូមិសាស្ត្រ​ខេត្ត​កោះកុង​, ខេត្ត​ពោធិ៍សាត់​, ខេត្ត​បាត់ដំបង​, ខេត្ត​ប៉ៃលិន​, ខេត្ត​បន្ទាយមានជ័យ​, ខេត្ត​ឧត្តរមានជ័យ​, ខេត្ត​ព្រះវិហារ និង​ខេត្ត​សៀមរាប ជា​បណ្តោះអាសន្ន​សម្រាប់​រយៈពេល ១៤ ថ្ងៃ គិត​ចាប់ពី​វេលា​ម៉ោង ២៣:៥៩ នាទី​យប់ នា​ថ្ងៃ​ទី​២៩ ខែកក្កដា ឆ្នាំ​២០២១ រហូត​ដល់​ថ្ងៃ​ទី​១២ ខែ​សីហា ឆ្នាំ​២០២១ សំដៅ​ទប់ស្កាត់​ការឆ្លង​រាលដាល​ក្នុង​សហគមន៍​ដែល​បណ្តាល​មក​ពី​មេ​រោគកូ​វីដ​-១៩ ប្រភេទ​ដែល​តា (Delta)​។​ ​លោក​ឧត្តមសេនីយ៍ទោ សិទ្ធិ ឡោះ ក៏បាន​ផ្តាំផ្ញើរ​ដល់​កង់កម្លាំង​ទាំងអស់​ត្រូវ​យកចិត្តទុកដាក់​ចំពោះ​សុខភាព​របស់​ខ្លួន​ឲ្យបាន​ខ្ពស់ អំឡុង​ពេល​បំពេញបេសកកម្ម​នឹង​អនុវត្ត​ឱ្យបាន​នូវ​វិធានការ​សុខាភិបាល​គឺ​កុំ​ភ្លេច ៣​កុំ ៣​ការពារ​៕ kh
virakcheat news
virakcheat news
virakcheat news
virakcheat news








Copyright © 2018-2020 រក្សាសិទ្ធគ្រប់យ៉ាងដោយគេហទំព័រ វីរៈជាតិ,
អាសយដ្ឋាន៖ ភូមិ ផ្សារកណ្តាល ឃុំ ផ្សារកណ្តាល់ ក្រុងប៉ោយប៉ែត ខេត្តបន្ទាយមានជ័យ
ព័ត៌មានពិត សុក្រឹត ឯករាជ្យ រហ័ស
ការិយាល័យនិពន្ធ E-Mail: info@virakcheatnews.com,
contact@virakcheatnews.com
Tel:0768 9999 24